فكره ممكن تفيد

بصوا يا جماعه بصراحه الموضوع بإختصار
بما انى تاجره فى المول وبنزل معروضاتى فى مواضيع كتيره كل ماعمل حاجه جديده وكنت بتوه من كتر المواضيع
وبرده اللى بتدخل تدور على موضوع بتتعب اوى وممكن ماتعرفش توصله خالص .

المهم قررت انى اعمل موضوعين اتنين وبس ويكونوا دايما متجددين يعنى كل فتره انزل الحاجات الجديده فيهم .

بس المشكله اللى واجهتنى انى بعد ماعملت الموضوع , بقيت بلاقى صعوبه انى كل مانزل شوية معروضات ابعت للمشرفات
عشان يعملولى التعديلات اللى انا عايزياها فى الموضوع وساعات الموضوع بيتأخر قوى ومابتلاقيش حد يساعدك فى الوقت اللى انتى عايزاه بالظبط .

عشان كده عايزه اعرف ليه ماتفضلش خانة التعديل مفتوحه لصاحبة الموضوع .
عشان تقدر تعدل وتظبط فى موضوعها وعلى فكره الفكره دى هاتشجع ناس كتير انهم يعملوا مواضيع اقل بس بتنسيق اعلى .
لأن اسهل حل للموضوع ده دلوقتى هو اننا نعمل موضوع جديد كل يومين عشان نقدر نظبطه ونعرض شغلنا الجديد فى شكل مناسب .

ياريت لو الفكره دى ممكن تتنفذ لأنها هاتساعد ناس كتير بجد .