زيت جدااااايل رووعة

ازيكم يا احلي ملكات الحب يا حلويييين انا حبيت اقولكوا تجربتى مع زيت جدااايل بجد تحــــــــــفة
انا اصلا شعرى ده كنت خلاص فقدت الامل فيه انا شعري كان حلو وكان ناعم زمان وجميييييل بس فجأة وبدون مقدمات بقالى بتاع سنتين كده بيقع بطريقه غير عادية اول حاجه عملتها بدأت اقصه كل فترة بصراحه ظبط موضوع السقوط ده ومبقاش يقع
زى الاول المهم خلصت من السقوط بدأ بقى ينشف بطريقه غير عاديه بقى جااف جداااااااااااا بقى شكلة زباله فعلا ومبقاش يقصر فيه ولا حمام كريمات ولا زيوت ولا اى شششششششئ
وخصوصا الصيف ده مع الرطوبة والحر بقى شبه المقشه المهم سمعت عن زيت جداايل ده من عبد الصمد القرشي
واحده صاحبتى سعودية قالتلى عليه هوا بيتباع فى الصيدليات الكبيرة عادى بس انا قلت اجيبة من عبد الصمد القرشي نفسه اللى فى سيتي ستار
لأن انا سمعت ان فيه منه تقليد وهوا 3 انواع تقريب (للتطويل..ولمنع التساقط...ومقوى الشعر) انا جبت المقوى ده
بستخدمه ازاى بقى بغسل شعري بالشامبو عادى خالص وبعد كده بحطه على شعرى واسيبه نص ساعه عادى
وبعد كده النص ساعه التانية بعمله حمام زيت بجيب فوطه سخنه واحطها على شعري وكل ما تبرد اسخنها تانى وهكذا وبعد كده بغسله بالمااايه بسسسس بغسله كويس جدااا بس من غير اى اضافات وبعد كده بنشفه واحط عليه سيروم واسيبه ينشف شوية وبعد كده الفه
اتفرجى بقى بعد كده انا بصراحه مسدقتش نفسي شعرى طرى جداااااااااااا جدااا والتقصيف مبقاش باين نهائى وكل ده من اول مرة هوا مفروض مرتين فى الاسبوع انا عملته مرتين وطول الاسبوع شعري طررررررري وناعم وجميييل ومش مزيت زي بقيت الزيوووت اللى بتعمله فى الشعر
انا قلت اقولكوا تجربتى معا الزيت ده عشان كلنا نستفااااد